اضحك وخذ لك صورة
وباش الصورة تكون زوينة
رمي عليك النظرة الحزينة
وضحك عافاك ضحكة حنينة


اضحك وخذ لك صورة
وباش الضحكة تظهر حنينة
عيش اللحظة ونسى لغبينة


خذ لك صورة مع الوردة
شوف الوردة شحال جميلة
وشوف النسمة شحال عليلة




خذ لك صورة ياحزين
وارمي وراك جرح السنين
ونسى الهم الغم والأنين


خذ لك صورة مع الغدير
شوف الغدير كيف يسير
يروي العطشان
مايتحاسب ولا يحير


خذ لك صورة
وباش الصورة تطلع فنة
تخيل نفسك طير فالجنة
حلق وطير وارسم رنة


خذ لك صورة مع قلبي
وشوف قلبي كيف صبار
يقسى فالليل وينسى بنهار
خليك جميل كيف الأزهار


لا تجرح بشوكك حبيب
ولاتخدش كلمتك قريب
خليك زوين خليك لبيب
وابتسم ليا يالحبيب
باش الصورة تطلع زوينة