عريسي جه انا جايه اهو

كل بنت في المنتدي اكيد بيحصل معاها
وكل ولد ليه اخت في سن الجواز اكيد بيشوف ده

المشهد الاول

الام تدخل الاوضه منشكحه مبتهجه
وتروح واخده بنتها بالحضن وتقولها مبروك ياضنايا جالك عريس
البنت ترد مابين دهشة وفرح وخوف واستياء وترقب
وكم هائل من المشاعر المتضاربة وده مين بقي بسلامته سبع البرومبه ده
الام تجيب ده فلان ابن خالة علان ابن فلان اللي اخته كانت جارتنا زمان في الشارع اللي ورانا

اااخ ايه المطب ده بقي
دلوقتي في احتمالين قدام البنت المسكينه دي اللي وقعت في شر اعمالها
طبعا اي بنت في الدنيا بتبقي في مواصفات معينه عايزاها في الشخص الي هترتبط بيه
وطبعا اهم حاجه انه يكون مؤدب ومحترم وملتزم وابن ناس طيبين
وفي شويه حاجات كده فرعيه
نرجع بقي للاحتمالين

الاحتمال الاول :

انه طبعا مايكونش فارس احلامك خالص ولا حتي شبه
يعني لو نفسك في واحد طويل يكون هو قصير
ولو عايزه واحد مليان شويه يطلع هو رفيع وهيتكسر
من السقعه ولو عايزه واحد رفيع يطلع هو كرشه قدامه
اما لو نفسك تتجوزي واحد شعره حلو يطلع هو اكرت
الخلاصه انه يكون حاجه واللي في دماغك حاجه تاني خالص

نيجي بقي للاحتمال التاني :

انه يكون شكله مقبول وشبه فارس احلامك يعني ممكن لو نفسك في واحد طويل قوي يكون هو متوسط الطول ولو نفسك في واحد رفيع يكون هو متوسط
يعني نقدر نقول انه مقبول وهيعجبك
طبعا دي كلها مجرد احتمالات
نيجي بقي لابوخ حاجه في الموضوع
تقعد والدتك بقي تزن طول النهار
وطبعا ماشيه علي المثل القديم اللي بيقول
( الزن علي الودان امر من السحر )
وتبدي بقي في محاولات مستميته انها تحلي العريس في عينك حتي من قبل اما تشوفيه
وتقعد تقولك ده عنده شقه
ده عنده عربيه
ده ابن حلال
ده وحيد امه وابوه
تخرجي من الاوضه تروح وراكي
تطلعي البلكونه تشد الكرسي وتعمل كوبايتين شاي وتيجي وراكي
تفتحي التلفزيون تتفرجي علي مسلسل عربي
تقولك شوفي البنت اتجوزت اواي شوفي امه عامله ازاي وتحاول بشتي الطرق انها تفتح الموضوع
تيجي تتكلمي في التليفون وتحكي لصاحبتك علي العريس تلاقيها متابعه الحوار كله وفي الاخر تشد السماعه منك وتكلم صاحبتك ساعه
وطبعا من كتر الزن توتفقي انك تقابليه وتقعدي معاه وربنا يقدم الي فيه الخير

مشكورة أخت امونة

مشكورة أخت امونة