السلام علكم ورحمة الله
اليوم غادي نوريكم وصفة الى كان فيك الجوع تفاريها هاد الأكلة
تشبع ليك لكريشة ويبات الراس كيغني
لبنات قهرونا بالوصفات اللي فيهم جريدة ديال الهضرة
كتقراها كتكهم
ندوزو ديريكت الوصفة
2 بيضات
2 دراهم كاشير
خبزة
قطع الكاشير طريفات صغار وحركهم فجبانية مع البيض
حط المقلة فوق العافية وكب فيها وحد الشوية ديال الزيت (رومي او بلدي)
لوح تخليطة ديال البيض وكشير فوق المقلة
صبر دقيقة وفهاد الدقيقة حل الخبزة بموس ملي تكمل الديقة هز المقلة
هاداكشي اللي فيها حطو وسط الخبز
وها اللماكلة واجدة
ويلة بغيتي تسبيكزا(tespigza) دير شي كويس ديال آتاي
موضوع: أكلة لكل زوفري 
