أمثال شعبية مغربية …
تلحفت بإزار وجابت لبلى لدار
*********
دخول الحمام بحال خروجو؟؟؟
*******
ليعضو الحنش ايخاف من الحبل
*******
راح ذاك الزمان وناسه وجاء هذا الزمان بفاسه
*******
المكسي بمتاع الناس عريان
*******
خفيف الأقدام يمل ولو كان وجهه مرايا
قليل الأكتاف ينزل لو كان جهده عتاية
******
سوق النسا سوق مطيار ياالداخل رد بالك
*****
شْحَال مَا طَالْ اللِّيلْ كَيْطْلَعْ النّهار
******
وَقْتْ احْتَاجيتْكْ يا وجْهْي خْرْبْشْوكْ لقْطُوطْ
******
هْمُومْك أعْملْها في شبْكةْ شِي يْطِيحْ شِي يبقى.
******
مَا يْقُولْ الحَقْ غير الصغير أو الاحمق.
********
مْنِينْ دَاكْ العْرِيَّشْ قال لُه مْنْ دِيكْ الشّْجِيرَةْ
*******
الِّيْ يْعْمَلْ رَاسُه في النخالةكَيْنقبوه الدجاج
* معرفة الرجال كنوز.
* يلى شفتيهم دورو علينا عرف حاجتهم فينا.
* اللي زرع الشوك تيحير فاحصادو.
* اطلع تاكل الباكور انزل شكون قالهالك.
* العمش فدار لعمى بعينيه.
* الحر بالغمزة و العبد بالدبزة.
* ما مور الشدة الا الفرج.
* اللي تيتسحر مع الدراري كيصبح فاطر.
* حاول على حميرك تحج عليه.
* اللي فاتك خليه لبناتك.
* الله ينجيك من المشتاق يلا فاق.
* دوز على الهرهوري و لا دوز على السكوتي.
* السلطان بالتاج و كيحتاج.
* اللي عضو الحنش كيخاف من الحبل.
* خدم يا التاعس لناعس.
* اللي كيربي ولاد الناس بحال اللي كيدق الما فالمهراز.
* نوضوها تشطح دارتها بصح.
* اتاي لعشية خير من بكرة مشوية.
* حسابتني كرمة وفيها الكرموص سعا هي خربة و فيها الناموس.
* الي ما عندو هم كتولدو لو حمارتو.
* يد في الطبق و عين على من زهق.
* تعلمو يا الحجاما فروس ليتاما.
* بحال الي تيسعى بولدو على كتفو هو تيقول انت على الله و ولده تيقول الله يجيب.
* جبنا القرع ينوسنا عرى راسو و هوسنا.
* دابزو يا الفيران على خميرة الجيران.
* الزواج و الموت هم لا يفوت.
* المراة الحرة ما تاكل غير من يد زوجها.
* الراجل بدراعو ماشي بمتاعو.
* اللي حبك حبو و لقلبك زوجو و اللي جفاك جفيه و تعداه و دوزو.
* تهجالت لعناية و لا زواج الدل.
* خود بنت قرابة و لا تاخد بنت غرابة.
* يا الطامع في الزيادة رد بالك من النقصان.
* يلا كان خوك عسل ما تلعقوش كلو.
* العصا ما كتخلي من يعصا.
* ولد ولدك زوين من والى يبوسو.
* لهلا يورينا فولادنا ميخلعنا.
* ادعاوي بارشاوي.
* عيطت على ديالي جاني عيطت على ديال الناس مشى و خلاني.
* اللي كثرو همومو كثرو اعجوبو.
* يلا بغيتي اتوحش صاحبك سلفو.
* اللي دركك ابخيط دركو بحيط.
* تيدور الزرع حتى كيدور وكيرجع لعين الرحى.
* يلا امشا الزين كيبقاو حروفه ويلا امشا المال كيبقاو خروقه.
* الفرح يللش والهم كيكمش.
* كيدق ويقول شكون.
* كيبيعو الارض ويضحكو على من شراها.
* الغربة كتلوح حتى لبلاد الشلوح.
* ما يحس بالمزود غير المخبوط بيه.
* اللي دارها بيديه يفكها بسنيه.
* قالو اشخصك يا لعريان قالو الخاتم يا مولاي.
* ما بين اللقمة و الفم تيريد ويحكم.
* الضحك كيفسخ البيع والشرا.
* اللي حبك ما بنالك قصر واللي كرهك ما حفرلك قبر.
* اللي اربحتيه تاكله و الدين باش تخلصو ؟
* اللي ما جابتو المحبة ما تجيبو الحزارة.
* اللحية مكترفد اللحية غير لقبر.
* اليد اللي طعمتنا الحلال تيكونو ناسها قلال.
* خليني نبلع ريقي حتى نعرف عدوي من صديقي.
* اللي ربط حمارو مع الحمير كيتعلم الشهيق و النهيق و الخروج على الطريق.
* اللسان طويل و الدرع قصير.
* اش يقدك من استغفر الله يا البايت بلا اعشى.
* الجمل ما كيشوفش حدبتو كيشوف غير حدبة خوه.
* ما ينفع غير الصحيح اما الراشي كايديه الريح.
* اللهم الاعمش ولا العمى.
* اللي شاف شي يقول الله يستر.
* مول البنات ما يبات هاني.
* ازرب تعطل.
* لو كان الخير فيا ما يتزوج راجلي عليا.
* يعيى اللي يعطي وما يعيى اللي يشد.
* اللي حبابو عريانين عمرو ما يتكسى.
* ملي كطيح البقرة تيقواو الجناوى
* اللي احشم ف اللي ضرو الشيطان غرو.
* لو كان الخوخ يداوي لو كان داوى راسو.
* الله يجيب اللي يفهمنا ولا يعطنشاي.
* هاك ابوه رجليه جابوه.
* حتى يخلاق عاد نسميوه عبد الرزاق.
* حتى مش مكيهرب من دار العرس.
* الصنعة يلا ما غنات كتستر واقيلة كتزيد فلعمر.
* اش عند الميت ما يدير قدام غسالو.
* نقا على نقا ما تيورد شقا.
* الزيادة من راس لحمق.
* كول بشهوتك و لبس بشهوة الناس.
* قالو اشمتك قالو اعرفتك.
* ربط تلق ما تسيب
* اللي احفر شي حفرة كيطيح فيها.
* اللي ما لقى الخير فركانو يكون الخير فلسانو.
* ما دير خير ما يطر باس.
* شطارت الكوزينة كتشري مدينة
- طاح الحك وصاب غطاه.
2- لي فاتك بليلة فاتك بحيلة.
3- شحال ما طال الليل كيطلع النهار.
4 - خدم اصغري لكبري.
5 - درجة بدرجة حتى يحن مول الرجا.
6- اعمل ما دار جارك ولا حول باب دارك.
7 - تبع الكداب حتى لباب الدار.
8 - لي ما عندو سيدو عندو للاه.
9 -ما يقول الحق غير الصبي او الاحمق.
10- لي ما عندو فلوس كلامو مسوس.
11-العبد في التفكير والرب في التدبير.
12- لي بغا ها كلها كيخليها كلها.
13- ضرب لحديد محدو سخوووووووووون.
-14- لي فاتك خليه لبناتك.
15-السلطان بالتاج وكيحتاج.
16 قطرة بقطرة كيعمر الواد.
موضوع: باقة من الامثال الشعبية 
