عند الحلاق
هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
الحلاق جا يدير ليه الفرقة من الجنب تقطعات ليه واحد الشعرة
قال ليه الراجل: واخا دي ليا الفرقة ف النص
الحلاق جا يدير ليه الفرقة ف النص تقطعات ليه شعرة أخرى
قال ليه الراجل: عرفتي أشنو تدير؟ دير ليا تشويكة
نتسنى حتى تسالي
واحد المرا دات ولدها عند الفقيه وقالت ليه: سي الفقيه، الله يرحم الواليدين إيلا ما علم ليا ولدي، راه الجامع ديال الدوار ديالنا بقى بلا فقيه. يالله هاني غادي نتسنى فيك قدام الباب حتى تسالي
الاختبار ديال البينوار
واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟
خطيب من داكشي
واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا
وايني راجل
واحد عيط لمراتو وقال ليها: وجدي ليا الما السخون
قال ليه صاحبو: وايني راجل أصاحبي
قال ليه الراجل: إيوا شنو بغيتي؟ نغسل الماعن بما بارد؟
مشى هاداك الراجل؟
هادا واحد الطبيب غادي يولد واحد المرا عندها تلاتة ديال التوام
خرج الولد اللول لقاه ناعس، وبدا كيضربو حتى فاق وحطو
مشى خرج الولد التاني، لقاه حتى هو ناعس، ناض كيضربو حتى فاق وحطو
مللي مشى يخرج الولد التالت ما لقاهش، وهو يقول للفرملية صافي كملي نتي خدمتك راه غير جوج ولاد للي كاينين
غير مشى الطبيب وهو يخرج الولد التالت راسو بشوية وقال للفرملية: واش هاداك خينا اللي كيسرفق الدراري صافي مشى فحالو؟
مرا مشكاكة
هدي واحد المراة كتشك في راجلها
واحد النهار لقات ف حوايجو شعرة شهبة، قالت ليه: شكون هاد الشهبة اللي كنتي معاها؟
واحد النهار آخر لقات ف حوايجو شعرة زعرة، قالت ليه: شكون هاد الزعرة اللي كنتي معاها؟
واحد النهار ما لقات حتى شعرة، وهي تقول ليه: شكون هاد القرعة اللي كنتي معاها؟
دابا شوف باش تبرد
هادا واحد كياكل بلا مايقول بسم الله. واحد النهار كلا كسكسو بالحرور وهو يهز مونادا باردة و قال بسم الله و شربها، وقال للشيطان: ودابا شوف باش تبرد
المراية اللي عارفة كلشي
هادا واحد كان مسافر ومشى لقاهم ف المطار مركبين واحد المرايا غير توقف قدامها تعرف عليك كلشي. وقف صاحبنا
قدامها وهي تقول ليه المرايا: نتا حمد من المغرب وعندك طيارة من هنا نص ساعة
خينا فرح ومشى حيد عليه الجلابة ولبس عصري. رجع عند المراية وقالت ليه: نتا حمد من المغرب وعندك طيارة من
هنا ربع ساعة
حمد عجبو الحال ناض بدل حوايجو ولبس خليجي ورجع عند المراية، وهي تقول ليه: نتا حمد من المغرب، إيوا بقى تسطى عليا تما حتى تمشي عليك الطيارة
واحد بواحد
واحد غليض بزاف داز للفرماسيان باش يعبر، وهو تخرج ليه الورقة ديال الميزان مكتوب فيها: خوتي، واحد بواحد الله يخليكم
موضوع: تفضل بالضحك...ألف مرحبا 
[/URL]