السلام عليكم ورحمة الله وبركاته

هادا واحد الطير خرج ف الجاج ديال واحد الطوموبيل. مول الطوموبيل داه للدار ودارو ف قفص.

ملي فاق الطير لقى راسو محبوس ف القفص وهو يقول: أواه! زعما يكون الراجل مات؟


********

هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم. رجع الراجل لدارو وسولاتو مرتو: أشنو واقع؟

قال ليه راجلها: أوالو داكشي. شربي ليك شي كاس ديال الما ونعسي



******

هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟
رد عليه صاحبو قال ليه: حيت ما قرا والو ف الصيف

********

هادا واحد ناشط مشى عند مول الحانوت قال ليه: عندك قنبولة ديال 180 ريال؟ بغيت نضحك مع مالين الدار.
قال ليه مول الحانوت: زيد درهم و شري بوطة صغيرة و هجرو ليهم



********

هادا واحد ناضت ليه السوسة ف واحد الضرسة، و هو يمشي عند الطبيب ديال السنان قال ليه :حيد هاد السنان كاملين، خليها بوحدها كي الكلبة

******

هادا واحد ناشط مشى عند مول الحانوت قال ليه: عندك قنبولة ديال 180 ريال؟ بغيت نضحك مع مالين الدار.
قال ليه مول الحانوت: زيد درهم و شري بوطة صغيرة و هجرو ليهم.



********

دبانة طاحت فكاس ديال الشراب. خرجات منه كتقول: أحييييدوا من طريق النسر



******

هدا واحد الاستاد سول التلاميذ شنو هي النجمة بالفرنسية واحد التلميذ عرفها ولكن هو حشومي قالها لصاحبو الكسول داك الكسول قال للاستاذ " ليطوال " الاستاذ تعجب او قاليه ركبها في جملة جاوب الكسول اللي طوال ارجعو اللور و اللي قصار ايزيدو لقدام