السلام عليكن ورحمة الله وبركاته
نتمنى تكونو بخير غالياتي
ليوم جبت ليكم الروز بجناح الدجاج والخضر
نتمنى من الله يروق اعجابكم
نبدار باسم الله
نحتاجو
الروز
الجناح الدجاج
ربيع
فلفل+قرعة خضراء+جزر
بصل+ثوم
زيت عادية وبلدية
ملح+ابزار+سكين جبير+خرقوم بلدي +عادي+حر
ندير الدجاج يتقلى مع البصلة وثوم و جميع العطرية ليعندنا والربيع والزيت العادية وبلدية
بالنسبة للمقدار حسن أفراد العاءلة
نخليو الدجاج يتقلى مزيان
ملي يتقلى الدجاج نرميو عليه الخضر ليعندنا
ونحركو
ودابا نمرقو بالماء الكافي ليغدي يطيب لينا هاد العناصر
________________________________________
لصوص ديالنا وجد
دابا ندوزو لروز
نصلقو الروز في ماء مملح
نصفيو ملي يتصلق
نصبوه في ءانية تدخل للفرن
نصبو عليه لصوص ديال الخضر ةندير الجناح لفوق
ندخلوه للفرن يشد راسو ويتحمرو لينا الجناوح
وبالصحة والراحة
لا تحرموني من صالح دعاءكم
موضوع: تحضير الروز بجناح ديال الدجاج 